قارا گيله

گلميشم اوتاقينا اويادام سني

قارا گيله اويادام سني

نه گؤزه ل خالق ائيله ميش يارادان سني

قارا گيله يارادان سني

گؤتوروب من قاچارام آرادان سني

قارا گيله آرادان سني
قيزيل گول اسدی

صبريمي كسدي

سيل گؤزون ياشين

قارا گيله

آغلاما بسدي
تبريزين كوچه لري دولان با دولان

قارا گيله دولان با دولان

ايه ر مني سئومه ييرسن

گئت آيري دولان

نه منه قيز قحه طدير نه سنه اوغلان

قارا گيله نه سنه اوغلان
آغاج اولايديم يولدا دورايديم

سن گله ن يئره قارا گيله

كؤلگه سالايديم
ائويميزين قاباغي سو گله ن آرخدي

قارا گيله سو گله ن آرخدي

دوروم چيخيم ائيوانا يار گله ن واختدي

قارا گيله يار گله ن واختدي

يار گليب چيخمايير اوقاتيم تلخدي

قارا گيله اوقاتيم تلخدي
دربند آرالي

كؤنلوم يارالي

بير يار سئوميشم

قارا گيله

ائللر مارالي

آذربايجان مارالي

آي قير گزمه آرالي
كؤنلوم سندن يارالي
گؤزلرينه حئيرانام
آذربايجان مارالي
سن بولاق اوسته گله نده
قييقاجي باخيب گولنده
آلدين صبري قراريمي
آذربايجان مارالي
من قوربانام گؤزلره
شيرين شيرين سؤزلره
بير قوناق گل بيزلره
آذربايجان مارالي
او گونه قوربان كسه رم
گلمه سن سندن كوسه رم
گزه رم سندن آرالي
آذربايجان مارالي
گئده ك قيرخ قيز يايلاغينا
مارال جئيران اويلاغينا
اينه ك عيسا بولاغينا
آذربايجان مارالي
تورش سو اولسون يايلاغيميز
گؤزه ل شوشا اويلاغيميز
سن اولايدين قوناغيميز
آذربايجان مارالي

داشلی قالا

داغلارا چن دوشنده
سونبوله دن دوشنده
روحوم بدنده اوينار
ياديما سن دوشنده
بو قالا داشلي قالا
جينقيللي داشلي قالا
قورخورام گئج گله سن
گؤزلريم ياشلي قالا
قيزيل گول اولمايايدي
ساراليب سولمايايدي
بير آيريليق بير اؤلوم
هئچ بيري اولمايايدي
بو قالا داشلي قالا
جينقيللي داشلي قالا
قورخورام گئج گله سن
گؤزلريم ياشلي قالا

بزم شراب

منیم بو طبع مجنونیم یئنه بزم شراب ایستر

الیمده ساغر زرین گوزوم مخموری خواب ایستر
رفیقیم بیر بت زیبا انیسیم ساغر و صهبا

اساس عیش پا برجا کونول چنگ و رباب ایستر
گهی مطرب نواسین دان فرح لنسین دل زاریم

گهی ساقی ایاقین دان لبیم شهد مذاب ایستر
بهاراولجاق مسلمانلار منیم بو گردش کونلوم

اوزون میخانه کنجیندا ییخیب مست وخراب ایستر
صنم لرسجده سی قیلماق نباتی پیشه سی اولموش

اوزون بت لار ایاقین دان تکلف سیز تراب ایستر
نباتی

می سیز مزه سیز

می سیز مزه سیز جامیله جانان اولا بیلمز

سودا نه دییم هر کیمه میدان اولا بیلمز
عارف لری دیندیرکی ندیر شعریله صنعت

شاعر یارانان امره پشیمان اولا بیلمز
گیردیم گونشین قوینونا مین بيرسحریم وا ر

بلبل ده منم گل ده زمسان اولا بیلمز
قلبین اورگیم آتشینه یانماسا هر سوز

دیل لرده آغزلاردا اوداستان اولا بیلمز

خوشبخت ائلیمین یوردوموزون وورغونیام من
بوندان دا گوزل بیر داخی دوران اولا بیلمز